| 1 | |
HStAOrient5a: 101r wa‑d‑dunyā Ḫurāsān Eyvān‑i Kisrādür Ġumdān Ṣanʿāda // Qaṣr‑i Bilqīsdür. Sāsān ve Qaḥṭān cedd‑i mülūk‑i ʿAcemdür. Bābil // Kūfeden bir nāḥiyedür. Qāla Ibn Luhya[?]: Fārisun wa‑r‑Rūmu Qurayšu // l‑ʿAǧam. Wa‑qāla rasūlu llāhi ṣallā llāhu ʿalayhi wa‑sallam law kāna l‑īmānu // muʿallaqan bi‑t‑ṯurayyā la‑nālahū aṣḥābu fāris. El‑ḥadīs̱. ʿİlm‑i ḫaṭṭ: // Beşīr eyitdi: Ey Şādān hīç ṭarīq‑i ḫaṭṭ u kitābetde ḫaṭavāt‑i // himmet ṣarf ėtdüñ mi? Şādān eyitdi: ʿİlm‑i ḫaṭṭ eşref‑i kemālāt‑i // insānī ve sebeb‑i s̱ebāt‑i kelām‑i āsmānīdür. Qāla llāhu taʿālā: ʿAllama // bi‑l‑qalami ʿallama l‑insāna mā lam yaʿlam Nūn wa‑l‑qalami wa‑mā yasṭurūna. // Ḥasan‑i Baṣrī raḥimehu llāh buyurur: Nūn devātdur ve al‑qalam kātibdür // ve mā ‑yasṭurūna ḫaṭṭdur. Ve dėmişler: Al‑ḫaṭṭu lisānu l‑yad. Ve dėmişler: // Al‑ʿilm ṣaydun wa‑l‑kitābatu qaydun. Ve dėmişler: Al‑ḫaṭṭu ḫayṭu ǧawāhiri l‑kalim. // Pes niçün böyle ṣanʿatı iktisāb ve buncalayın fenne intisāb // ėtmeyem dėdi. Bu fennde daḫı māhir ü mütebaḥḥir idügin müteʿayyin ve // ẓāhir oldı. ʿİlm‑i fıqh: Pes fıqh daḫı bilür‑misün? // Şādān eyitdi: Suʾāl eyle. Beşīr suʾāl ėdüb eyitdi: Ne dėrsin // şol iki zen ḥaqqında ki maḥall‑i vāḥidde vażʿ‑i ḥaml ėtdiler biri // püser biri duḫter nāgāh ferzendleri müştebeh olub her birisi püser // benümdür dėyü daʿvā ėtdiler. Cevāb vėrdi ki: İkisinüñ daḫı lebenini |